Yeh kiska shehr hai?

Itnon ka ghar ho ke bhi yeh kisi ka ghar nahin
Jaane yeh kiska ho magar yeh mera shahr nahin

Tez rau hain aur daawa e mohabbat khoob hain
Makaam e aakhir e ishq se waqif magar nahin

Zor o zar se ghate har ghatna is dayaar mein
Insaniyat o hamdardi o mehr ki kuch khabar nahin

Koi toh dekh le kabhi ik inaayat ki nazar pade
Kismat mein thi nahin tau tadbeer ka asar nahin

Baitha hun main bhi mazoor zer e saaya e deewar
Chalte hazaar hain magar mujh par ek nazar nahin

safar e ishq

Khatm kahaan aur shuroo kahaan hoti hai
Ishq kahiye jise, safar e narawaan hoti hai

Zakhm e pa baais kahaan hai laut jaane ka
Dasht e dil paar pairon pe kahaan hoti hai

Aankh jhapke hai ke yunhi dil dhadke hain
Ishq rachtee hai khoob jo bhi yaan hoti hai

Sitam unka jo jaan apne labon tak laayaa
Sood kitna hai ke yoon bhi ziyaan hoti hai

Surkhi-e-lab se un ke yeh jaana mazoor
suraag yun nahin to tyun ayaan hoti hai

paaydaari e kaar e shouq

Fikr ghultaa nazar nahin aataa
Raahat aataa nazar nahin aataa

Woh tau ghamzon se baaz aaye nahin
Kya mein hanstaa nazar nahin aataa

Woh tha jurra e khud faramoshi
Hosh ab aataa nazar nahin aataa

Karz bhaari tha malaamat ka
Yeh ataa hota nazar nahin aataa

Paa e khasta pe dil e haajatmand
Astaan unka nazar nahin aataa

Wah  tareeq-e-aashnaai maazoor
Jaan yeh mittaa nazar nahin aataa

haalaat e dil

Mere dost yeh aalam kahaan se aayee
Tum ho main hoon aur yeh tanhaayee

Bana hoon kis khaak ka ke hardam
Ek khwahish e gard hai jaise chaayee

Dekh aaye hain hum bhi bahut se manzar
Khoobi o dilkashi magar unheen se aayee

Aastaan tera sajda gaah banaya jab se
Ajab uftaadgi meri mizaaj mein aayee

Dard e dil aur na kheinchta  maazoor
Gar na hota ek wehm e aashnaayee

zeest

Sochta door ki hai kaun is maajma e tez rawaan mein
Jhagda e musalsal e saans e deegar, zeest hai zehn e nadaan mein

Chaunk utha dil soch ke kahin woh tum tau nahin ho?
Dhoondhta phira hoon jise ku ba ku saare jahaan mein

Fitrat ka karaamaat hai, duniya kya hai kahaan ka deen
Lakeer si kheinch lete hain jab chaahein, aab e rawaan mein

Shaair tau kayi aake gaye lekin woh ek saheb e meer
Deegar nahin un sa, wusuate guftaar e dil angez jahaan mein

Dil bhi kaamil tha mera, behel hi jaata tha har haadse ke baad
Lekin tera firaaq bhi kamaal tha ke phir dum na raha naatwaan mein

Shehr e wafaa o husn mein pahuncha magar maazoor
Baithe hue the saaya e deewar mein jun teer kamaan mein